Блогер Қайсардың танымалдығы күрт төмендеп, оның контенті енді жазылушылардың қызығушылығын тудырмайды. Көрерменнің назарын қайтаруға тырысқан барлық әрекеттері сәтсіздікке ұшырайды, ал бұрынғы жарнама берушілер ақшаларын қайтаруды талап ете бастайды. Үмітсіздікке түскен Қайсар мас күйінде сарқырамаға секіретінін айтып видео жүктейді. Күтпеген жерден бұл ролик вирусқа айналып, мыңдаған адам жалғасын талап етеді. Осылайша авантюралық сапар басталады: Қайсар Нұрбол, Тауасар, Диана және оның көмекшісі Жұмабекпен бірге ешкімнің аяғы баспаған құпия сарқырамаға аттанады. Бірақ оларды барған жерде өз қатал заңдарымен өмір сүретін жабайы әйелдер тайпасы қарсы алады. Хайп үшін түсірілген видео олардың өміріндегі ең ессіз әрі ұмытылмас оқиғаға айналады…